Xəbərlər

Xəbərlər

25 noyabr, 2004

Azərbaycan Kitabxana İnformasiya Konsorsiumunun üzvləri Açıq Cəmiyyət İnstitutu - Yardım Fondu Azərbaycan tərəfindən dəstəklənmiş Şərq Şərq Proqramı çərçivəsində 2004-cü ilin noyabr ayında Litvada tədris proqramında iştirak etmişdirlər. Tədris proqramının məqsədi Litva Kitabxana Konsorsiumunun təcrübəsini öyrənməkdən ibarət olmuşdur. Bu proqram çərçivəsində bir sıra məsələləri əhatə edən seminarlar təşkil olunmuşdur: “Kitabxana konsorsiumunun yaradılması, danışıqların aparılması, lisenziyalar və müəllif hüquqları”, “Elektron resurslarından istifadə üçün abunə haqqının toplanması və kitabxanalar arasında onun bölünməsi”, “Elmi işçilər tərəfindən elektron resursların istifadəsinin genişləndirilməsi”.

İştirakçılar 10-dan artıq elmi kitabxananın iş təcrübəsi ilə tanış olmuşlar: Vilnus Universitet Kitabxanası, Litva Texniki Kitabxanası, Kaunas Texnologiya Universiteti, Martunas Majvidas Milli Kitabxanası və s.

9 İyul, 2004

2004-cü ilin iyul ayının 8-də Gürcüstanın Tbilisi şəhərində Azərbaycan Kitabxana və İnformasiya Konsorsiumu və Gürcüstanın Birləşmiş Kitabxana və İnformasiya Konsorsiumu arasında əməkdaşlıq memorandumu imzalanmışdır.

5 İyun, 2004

ABŞ Dövlət Departamentinin Edmund F. Muski Proqramının Məzunlarının Konfransında Azərbaycan Kitabxana İnformasiya Konsorsiumunun fəaliyyəti və xidmətləri haqqında təqdimat keçirilmişdir.

27 May, 2004

Azərbaycanın 10 regional kitabxana nümayəndələri üçün konsorsiumun fəaliyyəti və xidmətləri haqqında təqdimat keçirilmişdir. Bu tədbir Azərbaycanda ABŞ səfirliyi tərəfindən Regional Kitabxana proqramı çərçivəsində təşkil olunmuşdur.

6 mart, 2004

Müxtəlif akademik kitabxanaların nümayəndələri üçün EBSCOHost mənbələri və axtarış üsulları mövzusunda təlim keçirilmişdir.

20 Fevral, 2004

Bakı Dövlət Universiteti nəzdində Azərbaycan Kitabxana İnformasiya Konsorsiumu yaradılıb. Konsorsium Açıq Cəmiyyət İnstitunun eİFL.net layihəsi çərçivəsində aldığı qrant hesabına fəaliyyət göstərəcək. Konsorsiumun təsisçiləri Bakı Dövlət Universiteti, Azərbaycan Tibb Universiteti və Xəzər Universitetidir.

Azərbaycan Kitabxana İnformasiya Konsorsiumunun məqsədi cəmiyyətin inkişafına bilavasitə təsir göstərən təhsil və elmi-tədqiqat sahəsində labüd olan elektron informasiyasının çatdırılması, təlimlərin keçirilməsi və yerli elektron mənbələrinin güçləndirilməsinə dəstək verməkdən ibarətdir. Azərbaycan Kitabxana İnformasiya Konsorsiumu analoji beynəlxalq eİFL.net konsorsiumun üzvüdür, hansıki dünyanın 48 ölkəsində fəaliyyət göstərir.

Azərbaycan Kitabxana İnformasiya Konsorsiumun üzvlərinə eİFL.net layihələrinə qoşularaq aşağıda göstərilən mənbələrdən istifadə etmək imkanı yaradır: EBSCO nəşriyyatının elmin müxtəlif sahələrinə aid olan 6,000-dən artıq, 2, 300-dən çox Amerika Fizika Cəmiyyətinin, Bləkvel Nəşriyyatının, Kembric Universiti Presin, HayVayr Pressin, Fizika İnstitutunun Nəşriyyatı, Prokvest və s. onlayn elmi jurnalları.

14 fevral, 2004

Azərbaycan Kitabxana İnformasiya Konsorsiumunun fəaliyyəti və xidmətlərinin təqdimatı məqsədi ilə Akademik kitabxana nümayəndələri ilə görüş keçirilmişdir. Bu goruşdə 25-dən artiq müxtəlif akademik təşkilatların nümayəndələri iştirak etmişdir.